Избранные творения - Архиепископ Лука

Христос первый не только научил людей этой заповеди, но и первый исполнил ее, отдав жизнь свою за спасение мира.

Пройдут века, тысячелетия, будут сменять друг друга учения, но эта заповедь Христа останется навсегда всесовершенной, незаменяемой и непревзойденной. Она дает смысл и существование, силу и волю к жизни.

Христос – Сын Человеческий навсегда останется идеалом, и всегда люди будут чтить и ценить, что возвещено в Евангелии. Его заповеди будут путеводной звездой.

Христос есть Свет миру. И этот Свет будет светить людям, пока будут существовать они на земле.

Хочется еще раз привести слова великого русского хирурга, профессора Н.И. Пирогова, который сказал: «Веруя, что основной идеал учения Христа, по своей недосягаемости, останется вечным и вечно будет влиять на души, ищущие мира через внутреннюю связь с Божеством, ни на минуту не можем сомневаться в том, что этому учению суждено быть неугасаемым маяком на извилистом пути нашего прогресса».

Тропарь, кондак,  акафист святителю Луке, исповеднику, архиепископу

Симферопольскому и Крымскому. Молитва, величание

Придите ко Мне все труждающиеся и обремененные, и Я успокою вас.

Мф. 11, 28

Тропарь, Глас 1

Возвестителю пути спасительного, исповедниче и архипастырю Крымския земли, истинный хранителю отеческих преданий, столпе непоколебимый, Православия наставниче, врачу богомудрый святителю Луко. Христа Спаса непрестанно моли веру непоколебиму православным даровати, и спасение, и велию милость.

Кондак, Глас 1

Якоже звезда всесветлая, добродетельми сияющи, был еси святителю, душу равноангельну сотворил еси, сего ради святительства саном почтен был еси, во изгнании же от безбожных многа пострадал еси и непоколебим верою пребыв, врачебною мудростию многия исцелил еси. Темже ныне честное тело твое, от земленных недр обретенное, дивно Господь прослави, да вси вернии вопием ти: радуйся, отче святителю Луко, земли Крымския похвало и утверждение.

Акафист святителю Луке, исповеднику, архиепископу Симферопольскому и Крымскому

Кондак 1

Возбранный святителю Церкве Православныя и исповедниче, возсиявый стране нашей в земле Крымстей, яко светозарное светило, добре потрудивыйся и за имя Христово гонение претерпевый, прославляюще прославльшаго тя Господа, даровавшаго нам тебе, новаго молитвенника и помощника, похвальное воспеваем ти пение: ты же, яко имеяй велие дерзновение ко Владыце небесе и земли, от всяких недугов душевных и телесных свободи нас и добре стояти в Православии укрепи, да вси во умилении зовем ти:

Радуйся, святителю Крымский исповедниче Луко, врачу благий и милостивый.

Икос 1

Ангелов собеседниче и человеков наставниче, Луко преславный, подобно евангелисту и апостолу Луке, емуже тезоименит сый, от Бога дар целити недуги человеческия приял еси, во врачевании болезней ближних, многия труды подъемля, и плоть нося, о плоти нерадел еси, делы добрыми Отца Небеснаго прославил еси. Темже благодарне во умилении зовем ти:

Радуйся, от юности разум свой игу Христову покоривый; радуйся, пречестное Святыя Троицы селение бывый.

Радуйся, блаженство милостивых, по Слову Господа, унаследовавый; радуйся, верою Христовою и знанием богодарованным многия недужныя исцеливый.

Радуйся, страждущих недугами телесными врачу милосердный; радуйся, во дни брани вождей и воинов исцелителю.

Радуйся, всех врачев наставниче; радуйся, скорый в нуждах и скорбех сущим помощниче.

Радуйся, Церкве Православныя утверждение; радуйся, земли нашея озарение.

Радуйся, крымския паствы похвало; радуйся, града Симферополя украшение.

Радуйся, святителю Крымский исповедниче Луко, врачу благий и милостивый.

Кондак 2

Видя в человецех во время врачеваний, аки в зерцале, премудрость и славу Творца всяческих Бога, к Нему Духом выну возносился еси, богомудре, светом же богоразумия твоего и нас озари, да вопием купно с тобою: Аллилуия.

Икос 2

Разум твой Божественными ученьми просветил еси, Луко всеславне, отвергнув всяко плотское мудрование, с разумом же и волею повинул еси Господеви. Подобен апостолом быв, тии бо по слову Христову: «Грядите по Мне, и сотворю вы ловца человеком», – оставиша вся и по Нем идоша, и ты, святе, услышав зовущего тя на служение Господа Иисуса, абие приемлеши священство в Церкви Православней. Сего ради, яко богомудраго наставника, тя ублажающе, воспеваем сице:

Радуйся, Ангела-Хранителя увеселение; радуйся, яко того николиже опечалил еси.

Радуйся, во учении преспевавый и тем мудрецы мира сего удививый; радуйся, от творящих беззаконие уклонивыйся.

Радуйся, Божия Премудрости созерцателю и проповедниче; радуйся, истиннаго богословия златословесный учителю.

Радуйся, апостольских преданий блюстителю; радуйся, свеще, Богом возжженная, мрак нечестия разгоняющая.

Радуйся, звездо, путь ко спасению показующая; радуйся, Православия ревнителю.

Радуйся, раскольников обличителю; радуйся, свидений и оправданий Господних возжаждавый.

Радуйся, святителю Крымский исповедниче Луко, врачу благий и милостивый.

Кондак 3

Силою благодати Божия, еще во временней жизни приял еси дар, святе Луко, недуги целити, да вси усердно притекающии к тебе недугов телесных и паче душевных исцеления сподобляются, вопия Богу: Аллилуия.

Икос 3

Имея неусыпное попечение о спасении душ, вверенных тебе от Бога, Луко блаженне, пастырски к душеспасительной жизни и словом, и самым делом непрестанно наставлял еси. Сего ради приими от нашего усердия достойныя похвалы тебе:

Радуйся, Божия разума исполненный; радуйся, благодатию Духа Святаго преосененный.

Радуйся, нищеты Христовы подражателю; радуйся, пастырю добрый, уклоняющихся от веры православныя и блуждающих по горам суемудрия взыскавый.

Радуйся, делателю винограда Христова, чад Божиих укрепляяй в истинной вере православней; радуйся, щите, защищаяй благочестие.

Радуйся, непоколебимое Православия основание; радуйся, твердый каменю веры.

Радуйся, душепагубного неверия и злотворного обновленчества обличителю и искоренителю; радуйся, в делании духовнем подвизающихся мудрый укрепителю.

Радуйся, от мира изгнанным пристанища тихаго указателю; радуйся, яко приим крест Христу последовал еси.

Радуйся, святителю Крымский исповедниче Луко, врачу благий и милостивый.

Кондак 4

Бурю внутрь имея помышлений многих, недоумеваше раб Божий, что речет о нем Господь, егда проразумеваху его достойна быти епископом граду Ташкенту: обаче всего себе Христу Богу предаде, Тому о всем благодарение возсылая, зовый: «Благословен Бог, изливаяй благодать Свою на архиереи Своя». И поя Ему: Аллилуия.

Икос 4

Слышавше людие православнии, в гонении сущии, о благоплодных добротах души твоея, богоносе Луко, и видеша на степени святительства, яко достойный сосуд божественныя благодати, вся немощная врачующая и оскудевающая восполняющая, дивятся чудному промышлению Бога о тебе и приносят ти сицевая благохваления:

Радуйся, архиерею, от Самого Господа пронареченный; радуйся, и в надписании книги твоея сан епископа тебе предуказавый.

Радуйся, иерархов украшение; радуйся, пастырю добрый, яко готов был еси душу твою положити за овцы своя