Хожение за три моря - Афанасий Никитин

От Первати же приѣхал яз в Бедерь за пятнатцатьа[1275] дний до бесерменскагоб[1276] улу багря. А Великого дни воскресения Христова не вѣдаю, а по примѣтам гадаю: Великъ день християнский бывает первѣе бесерменскаго багрима за 9 дний или за 10, потому что кои были книги со мною взяты с Руси, и тов[1277] пограблено, и азг[1278] позабыл вѣру християнскую и празниковъ никоторых не помню. А промежу есми поганых розных вѣръ токмо молился есмь богу вседержителю, творцу неба и земли, а иного никоего не призывал. А какъ мѣсяцъ мартъ прошел, и я заговѣлъ в недѣлю з бесермены, и ѣлъ по дважды днем хлѣбъ да воду, а скорому не ѣлъ.

л. 416 об.

А от Гурмыза итти моремъ до Голатъ 10 днейд[1279], а оттуду до Дѣгу 6 денъ, а от Дѣгу до Мошката, до Кучзрята, до Комбата 4 дни, а от Комбата до Чивиля 12 дней, а оттуду до Дабыляе[1280] 6 днейж[1281]. Дабыль же есть пристанище в Гундустаниз[1282] послѣднее бесерменству. А от Дабыля до Колекота 25 дний, оттоле же до Силяна 15 дний, а оттуду до Шибаитаи[1283] мѣсяцъ итти, оттолѣ же до Пѣвгук[1284] 20 дний; а оттолѣ до Чини да до Мачина мѣсяцъ итти морем, || а от Чини до Китая итти сухом 6 мѣсяцъ, а морем 4 итти аросто хода чотом.

Гурмыз же есть пристанище великое, всего свѣта люди в нем бывают, и всякий товар в нем есть; что на всем свѣте родится, то в Гурмызѣ есть все; тамга же велика, со всего десятое. А Камблятъ пристанище Индѣйскому морю всему, а товар в нем дѣлают алачи, да пестреди, да канъдаки, да чинят краску нилъ, да родится в нем лекъ, да ахикъ, да лонъ. Было есть пристанище велми велико, и привозятъ из Мисюрска кони, из Рабаста и из Хоросани, и из Туркусани, из Негостани; да ходятъ сухом мѣсяцъ до Бедери, да до Келбергу.

Келекота[1285] есть пристанище Индѣйскаго моря всего, а пройти его не дайб[1286] богъ никакову кестяку, кто его ни увидит, тот здорово не пройдетъ морем. А родится в нем всякого пряного зелия много и дешево. Силянъв[1287] же есть пристанище Индѣйскаго моря немало, а в нем баба Адам на горѣ высоцѣ. А около его родится каменье драгое, да червцы, да фатисы, да бабогури, да бинчай, да хрусталь, да сумбада; а продаютъ в локоть, а девякуши продаютъ в вѣсъ; да родятся слоны.

Шаибатскоег[1288] пристанище Индѣйскаго моря велми велико, а хоросанцемъ даютъ алафу по тенке на день, и великому и малому; а кто в нем хоросанецъ женитца, и князь Шаибатцкий дает по 1000 тенекъ на жертву, на алафу, да есть на всякий мѣсяцъ по 10 тенекъ. А родится в Шаибатед[1289] шелкъ да сандалъе[1290], жемчюгъ, и все дешево.

л. 417

Аж[1291] в Нѣгу же есть пристанище || немало, а живутъ в нем все дербыши индѣйския. Да родится въ нем камение драгое маникъ, яхутъ, кирпукъ, а продаютъ камение не дербыши. Чинскоеа[1292] же да Мачинское пристанище велми велико, да дѣлаютъ в нем чини; а продаютъ чини в вѣсъ, а дешево.

А жены ихъ с мужьями своими спятъ в день, а к ночи ихъ ходятъ к гарипом, да спят с ними и дают гарипомб[1293] алафу, и приносят с собою яству сахарную и вино, да поят ихъ и кормятъ, чтоб еѣ любили, а любятъ людей бѣлыхъ, понеже ихъ люди черны велми; и которое от гостя зачнется бѣло, и мужь даетъ гостю алафу, пошлинъ 18 тенекъ; а родится черно, ино нѣтъ ничево, токмо пил да елъ, то ему халялъ.

А от Бедеря Шаибатъв[1294] итти 3 мѣсяца; а от Дабыля до Шаибата 2 мѣсяца морем итти; Мачим да Чимъ от Бедеря 4 мѣсяца морем итти. Даг[1295] в Шаибате же родится шелкъ, да инчи, да жемчюгъ, да сандал; слоны продаютъ в локоть. В Лекоте же родится перецъ, да мошкатъ, да гвоздика, да фуфаль, да цвѣтъ. В Кузряте же родится краска да люкъ. А в Камбатед[1296] родится ахикъ.

л. 417 об.

В Рачюре же родится алмазе биркона да новъ кона же алмазж[1297] продают посыку по 5 рублевъ, а добраго по 10 рублевъ, новаго же почка алмазу пѣнечьче кени сия же чар-шеш кени, а сипитъ екъ тенка. Алмаз же родится в горѣ каменной, а продают же тую гору каменую по 2000 фунтовъ золотых новаго алмазу, а кона алмазу в локоть по 10 000 фунтовъ златых. Земля же та Меликъханова, а холопъ он салтанов; от Бедеря же 30 кововъ. ||

А сыто жидовеа[1298] зовут Шаибатъ своими жидовы, и то ложь есть: шаибатянеб[1299] бо ни жидове, ни бесерменяв[1300], ни християне, ина боихъ вѣра индѣйская, ни сг[1301] худы, ни з бесермены ни пьютъ, ни ядятъ. В Шаибате же родится шелкъ, сахар, и дешево. А по лѣсу у нихъ мамоны да обезьяны, и по дорогамъ людем проѣзду нѣтъ ночи, дерут людей аукиковд[1302]. И у оленей кормленых рѣжутъ пупы, а в пупѣ у них мскусъ, а дикие олени пупы сами из себя ронят по полям и по лѣсу, и та воня не столь благоуханна, не свѣжь бо есть. Оте[1303] Шаибата же до Бедеря сухомж 10 мѣсяцъ иттиз[1304], а морем 4 мѣсяца.

И мѣсяца майя в Бедереи[1305] в бесерменском бограм взяли в среду, а заговѣлъ есми мѣсяца апрѣля въ 1‑й день. О благовѣрнии християнѣ, иже кто по многим землям много плавает, во многия грѣхи впадаетъ и вѣры ся да лишает Христовы. Аз же рабище божие Афонасие зжалився о вѣрѣ: уже бо проидоша четыре Великыя посты и празникик[1306] свѣтлаго воскресения Христова 4, аз же грѣшный не вѣдаюл[1307], что есть Великъ день, или постъ, ни иных празниковъм[1308], ни среды ни пятницы; а книгъ отбыл еще в первомъ грабеже. Поидох же до Индѣи от многия бѣды, заиже ми на Русь пойти нѣ с чем, не осталося тавару ничево. Первый бо Великъ день взялъ есмь в Клинѣ, а вторый в Чебукару в Маздранской землѣ, а третий Велик день в Гурмызѣ, четвертый же нво Индѣи з бесерменыо[1309] в Бедери; и ту то много плакал по християнской вѣрѣ.

л. 418

Бесерменин же Меликъ тот