Из истории русской иерархии XVI века - архимандрит Макарий (Веретенников)

Мы же целовахом мощи его, честне опрятавше, и положихом во гробе, иже сам себе уготова. И ископахом землю под прагом церковных дверей на полудень, близ гробницы преподобнаго чюдотворца Иосифа старца его, идеже сам заповеда нам преж 5 лет суще, испросив у настоятеля обители и у старцов. И последнее по смерти показав смирение, глаголя: “Бога ради сотворите милость со мною, погребите тело мое грешное под порогом первых церковных дверей от святых врат монастырских на полуденьной стране близ гробници. Достоин бо есмь всегда ногами попиратися”. И выше гроба своего повеле устроити (и) поставити образ Вседержителев и Пречистыя Его Матере и великих чюдотворцов Ноугородских Иоана архиепископа и Варълама чюдотворца Футынскаго и иных святых великих чюдотворцов. И свещу повеле поставити и вжигати, доколе Бог благоволит и дцку на гробе своем положити и подписати и надгробная сотворити. Мы же вся сиа сотворихом по заповеди отца нашего и молитвами его и до сего дни сохраняемы пребываем.

По седмом же лете преставлениа святаго отца нашего архиепископа Феодосиа и ученик его любимый Феодосий отыде к Господу, Егож возлюби, и к своему учителю и нашему старцу архиепископу Феодосию, иже всегдажелаше с ним быти и водворятися не токмо зде, но и в будущий век. Чюдно ж бысть и сего вкратце рещи житие и конечное к Господу отхождение, яко 10 лет поработа старцу своему без всякаго прекословя и преслушаниа, николиже убо преслушав старцева слова ни в малей, ни в велицей вещи. Аще же что и сопротивно видящеся, он же без рассужениа вся творяше в кротости и смирении сердца, яко Самому Христу служаше, а не человеку. И любовь нелицемерну стяжав (к) наставнику своему, еже о Христе братии и милостыню велию творяше, яко и ризы не щадя дааше, и нагыя одевая, алчныя насыщая, жадныя напояя и нищим всем и сирым питатель и отец бяше, яко и мертвых погребати своими руками скутовая, телеса их измывая и в дом Божии погребаше. И печашеся зело о нищих и в напастех всем помогаше и зело милостив и кроток и смирен, яко всем братиам чюдитися добродетельному его житию. И в таком подвизе и трудех поживе 17 лет в монастыри во всяком смиреномудрии и послушании и смерть свою за три дни проуведав и в покаании и исповедании чистым сердцем отыде ко Господу, Егоже возлюби. И погребохом его со отцы за гробницею преподобнаго старца Иосифа со многыми слезами, толикоже погребение его бысть жалостно и слезно, яко ни по коемждо от старец братиа плачющеся и рыдающе, яко ни единаго человека обрести не плачюща и надгробнаго пениа не можахом свръшити в слезах священници ж и диаконы и клирици глаголати не могуще от множества плача, поминающе добродетелное житие его и любовь нелицемерную.

Не зазрите же ми Бога ради отцы святии и братиа, писавшему повесть сию о архиепископе бывшем старце Феодосии отци своем и о ученице его Феодосии, мало от части сказах добродетельнаго житиа их и преставлениа, да не на мнозе забвено будет на осужение лености моей и нерадению, понеже аз грешный и непотребны ничтоже благо сотворих от тех добродетели и боюся осужениа оного лениваго раба, егоже повеле Господь воврещи во тму кромешнюю (см.: Мф. 22, 13), от неяже да избавит нас Милосердый и Праведный Судия и части сподобит спасаемых, яко Тому подобает слава и честь и покланение в Тро(и)цы Единому Богу Отцу и Сыну и Святому Духу ныне и присно и во веки веков аминь»[731].

Запись из вкладной книги Иосифо-Волоколамского монастыря

«Поминати архиепископа Феодосиа Великаго Новаграда и Пскова в повседневном списке и в Сенанице [732], доколе и манастырь Пречистыя стоит, ис повседневнаго списка не выгладити.

Да быти по нем корму на его преставление на всяк год месяца февраля в 26.

А дал архиепископ Феодосий в дом Пречистыя Богородицы на вечной поминок и на корм Деисус с праздникы и с пророкы и с преподобными, а промена ему не ведома. И тот Деисус взял царь и Великий князь к себе на Москву, да понагею серебрену, а весу в ней три рубли, да образ Спасов обложен серебром, венец с сканью в киоте, да окладу полтретя рубля. Да на том же образе по странам писаны образы: Ивана, архиепископа Новгородскаго, да Варлама, Хутынскаго чюдотворца, да Ануфриа Великаго, да Екатерины великиа мученици, да Леонтиа Ростовскаго, да Антипы святаго, да преподобнаго Пафнотиа, да Иосифа чюдотворца в молебном образе. Да в том же киоте образ Пречистыя, да Николин на гладком золоте, да два в блюда, дьскос, да Пречистыя, а весу в них двенатцать рублев, да ковшик серебрен два рубля, да гривну серебряну с сканью, да и з жемчюжки ко образу преподобнаго Иосифа чюдотворца, что архимандрит Никифор менял, да три колоколы на Богородичной манастырь к Пречистой Введения, а промены полсемнатцата рубля з гривною, да паникадило в церковь в болшую в новой предел, да четыре паникадила малых в трапезу, а промена паникадилам десять рублев. И всего серебра в сосудех, и на окладе, и промены на колоколы и паникадила, и денег, опроче Деисуса и книг, сто дватцать один рубль з гривною.

Да архиепископ же Феодосий дал книгу Евангелие тетр[733] в десть, золотом прописаны строкы и заставици и статьи. И то Евангелие по цареву Великаго князя слову дано в Казань в соборную церковь к Благовещению Пресвятыя на престол. Да Апостол тетр в десть, золотом же прописан, и строки, и заставицы, и статьи, да книга Осифова списаниа на новгородскиа еретики архиеписковля писма, да соборник в десть от Ветхаго Закона и Новаго, да Потребник в полдесть, да Соборник в полдесть о чистоте и о целомудрии, да Триодь постная в десть, да Минеи месячные в десть, четыре месяци в дву книгах: Генварь, Февраль, Март, Апрель; да Охтаикы, да Богородичен с троечны, да Бытия в десть Досифеева перевода, заставицы золотом же писаны, да книга в десть, а в ней събрано от правил святых Отец и