Из истории русской иерархии XVI века - архимандрит Макарий (Веретенников)

по всем святым церквам детей крестили и воду святили в навечерии Богоявлениа и на Ердани Богоявлениа и на Происхождение Честнаго Креста, во всем священническом сану сполна; а вечерни бы и понахиды и павечерници и полунощници и заутрени и молебны пели, по всем святым церквам, в патрахилях да в ризах по обычею, кроме монастырскаго чину, занеже в монастырях свой чин; а без риз бы есте и без патрахилей не начинали и не пели, по священным правилом, якоже глаголет 16 правило святых отець и 17 правило Иоанна Милостиваго в поучении попом.

А детей бы крестили в церквах по Уставу и по Преданию святых отець, а не обливали водою, но погружали в три погружениа. Но сице подобает крестити: приим священник рукама крещаемаго и глаголет: “Крещается раб Божий, имярек, во имя Отца. Аминь”, и низводит его и возводит, “и Сына. Аминь” и низводит его и возводит, “и Святаго Духа, и ныне и присно и в веком. Аминь” и паки погружает его. И тако бо крестит в Три Лица Божественна, и в тридневное Христово воскресение, треми погруженми. И посем мажет его великим миром и облачит его во вся новыя, предав его на руки приемнику. И поет священник с людьми: “Блажени, имже отпустишася беззаконна и имже прикрышася греси” и прочая по Уставу. А кум бы один был, мужской пол любо женский; а по два бы кума и мнози кумове не были, как у вас преж сего было.

А обручение бы и венчание было у вас, по Божественному Уставу все сполна, во всем священническом сану. А венчали бы есте после обедни, а ночи бы не венчали. А венчали бы есте отрока 15 лет, а отроковицу – 12 лет, по священным правилом. А менши бы отрока 15 лет, а отроковицу менши 12 лет не венчали. И потом бы есте новобрачных поучали от Божественнаго Писаниа, како подобает православным по Закону жити и прочая. А второбрачным и треженцом венчаниа несть, но токмо молитва, по правилом, а третьему – молитва под запрещением, по священным правилом: второму браку два лета епитемьи; аще ли будет млад, то едино лето; а третьему – пять лет от общения и ото всякиа святыни. А четвертый бы брак у вас никогда же не именовался, понеже святыми отци отречено бысть.

Также бы есте изобрали и уставили книжныя училища и книжных писцов училища в городе и на посаде, и по волостем и по погостом. А избирали бы есте добрых духовных священников и диаконов и диаков женатых и благочестивых, имущих в сердци страх Божий и могущих иных ползовати, чтобы сами грамоте и чести и писати горазди были. И у тех бы священников и у диаконов и у диаков учи(ни)ли в домехучилища, чтобы все священници и диакони и все православный христиане в городе в Вязьме и в Хлепни и по волостем и по селом предавали им своих детей на учениа грамоте и на учениа книжнаго писма и церковнаго пениа псалтырнаго и чтениа налойнаго. И те бы священници и диакони и диаки, избранные по училищем, учили своих учеников страху Божию и грамоте и писати и пети и чести со всяким духовным наказанием. Наипаче же всего учеников бы своих брегли и хранили во всякой чистоте, и блюли бы их от всякаго растленна, но паче же от сквернаго содомскаго греха и рукоблудиа, и от всякиа нечистоты, чтоб им вашим брежением и поучением, пришед в возраст, достойным быти священническому сану и чину. Да учеников же бы своих в святых Божиих церквах наказывали и поучали страху Божию и всякому благочестию, псалмопению и чтению и петью и канарханию, по церковному чину. И учили бы своих учеников грамоте доволно, сколько сами умеют, и силу бы им в писании сказывали, по данному им от Бога таланту, ничтоже скрывающе, чтоб ученици их все книги учили, которыя Соборная Святая Церковь приемлет, чтоб потом и впредь могли не токмо себе, но и прочих ползовати и учити страху Божию о всех полезных. Также бы учили своих учеников чести и пети и писати, сколко сами умеют, ничтоже скрывающе, но от Бога мзды ожидающе, а зде от их родителей дары и почести приемлюще, по их достоинству.

Также бы попы и старосты поповскиа и десяцкиа священники в городе в Вязьме и в Хлепни и по волостем и по селом, по всем святым церквам, дозирали б есте святых икон и священных сосудов и всякаго церковнаго чину служебнаго, и на престолех святых антиминсов дозираите и священных книг Святых Евангелий и Апостол и прочих святых книг, ихже Соборная Церкви приемлет. А которыя будут святыя иконы состарелися, и вы б те иконы велели иконником починивати; а которыя будут мало олифлены, и вы бы те иконы велели олифити.

А которыя будут Святыя книги Евангелия и Апостолы и Псалтыри и прочия книги в коеждо суть церкви обрящете неправлены и описливы, и вы б те книги Святыя все з добрых переводов исправили соборне, занеже Священная правила о том запрещают и не повелевают неправленых книг (в) церковь вносити, ниже по них пети. Также которыя писцы в городе в Вязьме и в Хлепни и по волостем и по селом книги пишют, и вы бы велели им писати з добрых переводов, да написав правили, а неправленых книг не продавали. А который писец, книгу написав, продаст, не исправив; и вы б тем возбранили с великим запрещением. А хто у него неисправленую книгу купит, и вы б тому потомуж возбранили с великим запрещением, чтоб впредь тако не творили; а впредь таковыи облечени будут продавец и купец, и вы б те книги у них имали даром, без всякаго зазора, да исправив отдавали в церковь, которыя будут книгами скудны, да видяще таковая вашим брежением, и прочий страх примут.

Также бы священници и диаконы на собе воображали крестное знамение крестообразно и по чину, и благославляли бы священници православных христиан крестообразно ж, якоже предаша святии отци. Также бы и детей своих и всех православных христиан поучали и наказывали, чтоб себе отражали крестным знамением по чину и знаменовалися крестнообразно; правую бы руку (у)ставляли ко крестному воображению: большей палец, да два нижняя перста во едино совокупив, а верхний перст с середним совокупив, простер и мало нагнув, тако благословити святителем и ереем и на себе крестное знамение возлагати двема персты, якоже предаша святии отци. Первое возлагати на чело, таже на перси, сиречь